Кивӗ Сӗнтӗр (Кӗтнеҫи Сӗнтӗр; выр. Старый Сундырь) — Чӑваш Республикин Комсомольски районӗнчи ял. Вӑл Александровски ял тӑрӑхне кӗрет. Шупашкара ҫитме 128 км, район центрне ҫитме — 13 км, чукун ҫул станцине ҫитме — 44 км. Историри ячӗ — Сундырь Старый.

Географи

Ял Чӑваш Республикин Комсомольски районӗнче вырнаҫнӑ.

Истори

Ял пирки пӗрремӗш хут 1747 ҫулта асӑннӑ. 1795 ҫулта 33 кил пулнӑ. Ял ҫыннисем 1724 ҫулччен ясак тӳлекен хресченсем, 1866 ҫулччен патшалӑх хресченӗсем пулнӑ. Вӗсем ҫӗр ӗҫӗпе, выльӑх-чӗрлӗх ӗрчетессипе, пир-авӑр тӗртессипе, ҫӗвӗ ӗҫӗпе, атӑ-пушмак ҫӗлессипе, пичке тӑвассипе тата платник ӗҫӗпе аппаланнӑ. 1893 ҫулта чиркӳ прихучӗн шкулӗ уҫӑлнӑ. 1931 ҫулта «Правда» колхоз йӗркеленнӗ.

Администраци пайӗпе ял Сӗве уесӗнчи Хозесаново вулӑсне, кайран Ҫӗрпӳ уесӗнчи Каҫал вулӑсне (1922 ҫулччен) кӗнӗ. 1922 ҫултанпа 1927 ҫулччен — Патӑрьел уесӗнче пулнӑ. 1927–1935 ҫулсенче — Аслӑ Патӑрьел районне, 1935–1939 ҫулсенче — Патӑрьел районне кӗнӗ. 1939 ҫултанпа 1962 ҫулччен тата 1965 ҫултанпа — Комсомольски районӗнче, 1962–1965 ҫулсенче — Канаш районӗнче пулнӑ.

Халӑх йышӗ

Халӑх йышӗ:

• 1747 ҫул — 145 арҫын;
• 1795 ҫул — 33 кил, 131 арҫын, 138 хӗрарӑм;
• 1858 ҫул — 218 арҫын, 202 хӗрарӑм;
• 1897 ҫул — 846 ҫын;
• 1906 ҫул — 218 арҫын, 202 хӗрарӑм;
• 1926 ҫул — 216 кил, 578 арҫын, 604 хӗрарӑм;
• 1939 ҫул — 450 арҫын, 537 хӗрарӑм;
• 1979 ҫул — 284 арҫын, 360 хӗрарӑм;
• 2002 ҫул — 151 кил, 400 ҫын (193 арҫын, 207 хӗрарӑм);
• 2010 ҫул — 125 уйрӑм кил хуҫалӑхӗ, 352 ҫын (175 арҫын, 177 хӗрарӑм).

Чӑвашсемпе вырӑссем пурӑнаҫҫӗ.

Инфраструктура

Фельдшер пункчӗ, клуб, вулавӑш, 2 лавкка пур.

Экономика

2010 ҫулта «Правда» ТМЯП ӗҫленӗ.